Zubin Potok, zhbllokohet qarkullimi

Protestuesit serbë janë shpërndarë të qetë dhe kanë zhbllokuar qarkullimin në Zubin Potok. Raportohet se, tashmë është liruar qarkullimi i kamionëve dhe makinave të cilat ishin nisur nga Bërnjaku në vend kalimin kufitar 31 në veri të bllokuara nga bashkësia e ekonomistëve.



Sipas burimeve të Top-Channel, situata u kontrollua nga forcat e shumta të KFOR-it francez. Protestuesit serbë, me këtë veprim dërguan mesazhin e tyre se në këtë pjesë të Kosovës nuk janë të nevojshme doganat e Prishtinës zyrtare.



Po kështu, sipas burimeve, serbët kanë paralajmëruar Prishtinën se në rast se këmbëngul të instaloje doganat në këtë pjesë do të shkaktojnë sërish trazira. /TCH/