Bllokohet qarkullimi i veturave të EULEX-it, në Zubin Potok

Një grup qytetarësh serbë vazhdojnë ta bllokojnë edhe më tutje
rrugën magjistrale Mitrovicë–Zubin Potok, në shenjë proteste me
arrestimin e një të dyshuari serb për vepra kriminale.
Policia e Kosovës njofton se rreth njëzet persona, banorë të
Zubin Potokut, po shfrytëzojnë makina civile për të bllokuar
qarkullimin në magjistrale, raportojnë mediat.
Për dallim nga disa ditë më parë, policia njofton se protestuesit
tani bllokojnë vetëm njërin shirit të rrugës, ndërsa ndalesa po bëhet
vetëm për automjetet e EULEX-it. /Telegrafi/