Zubin Potok, shpërthim dhe të shtëna armësh

Një shpërthim i fuqishëm dhe të shtëna armësh janë dëgjuar rreth mesnatës së shkuar në komunën e Zubin Potokut.
Siç transmeton RTK, zëdhënësi i Policisë në Mitrovicë, Besim Hoti, ka thënë se nuk dihet lokacioni i saktë i këtij shpërthimi dhe nëse ka të lënduar.

Ndërkohë, serbët vazhdojnë ta mbajnë bllokadën e vendosur të shtunën mbrëma në fshatin Banjskë, si reagim ndaj KFOR-it që kishte ndaluar disa kamionë që po kontrabandonin naftë nga Serbia.

Ata thonë se janë të vendosur të qëndrojnë duke protestuar deri në realizimin e kërkesave të tyre. /Telegrafi/