Marrëveshje për parandalimin e migrimit ilegal

Ministri i Punëve të Brendshme Bajram Rexhepi do të qëndrojë për një vizitë zyrtare në Bruksel. Gjatë kësaj vizite ministri Rexhepi pritet të takohet me homologë nga shtetet e Beneluksit. Në vazhdën e nënshkrimeve të marrëveshjeve për ripranim, kësaj radhe ministri Rexhepi do të nënshkruajë marrëveshje për ripranim me shtetet e Beneluksit në Bruksel: me ministrin për Punë, Punësim dhe Integrim të Luksemburgut, Nicolas Schmit, me ministrin për Imigrim dhe Azil të Holandës, Geerd Leers dhe me Sekretarin e Shtetit për Migrim dhe Politika të Azilit të Belgjikës, Melchiior Wathelet. Marrëveshjet me përfaqësuesit e shteteve të Beneluksit do të nënshkruhen nesër më 12 maj dhe kanë për qëllim parandalimin e migrimit ilegal në këto shtete dhe si dhe liberalizimin e zizave. Këto marrëveshje janë në vazhdimësi të punës së MPB së për agjendën evropiane dhe liberalizimin e zizave. Po ashtu ministri Rexhepi gjatë kësaj vizite do të ketë takime me përfaqësues të Komitetit për Politika Operacionale të NATO s në selinë qendrore të NATO s, ku do të diskutojë për sigurinë në Kosovë dhe për tema të tjera.