Në seancën plenare shqyrtohen shtatë projektligje

Kuvendi i Kosovës të enjten mban seancën plenare të radhës, ndërsa gjatë kësaj seance pritet shqyrtimi i parë i Projektligjit për bashkëpunim ndërkomunal dhe partneritete, shqyrtimi i parë i Projektligjit për ndryshimin dhe plotësimin e Ligjit nr. 2002/5 për themelimin e regjistrit të të drejtave të pronës së paluajtshme etj.

Po ashtu në rend dite do të jetë shqyrtimi i parë i Projektligjit për Këshillin Ekonomik- Social, i Projektligjit për organizimin sindikal në Kosovë, i Projektligjit për mbrojtje nga zjarri.

Pika tjera të radhës do të jenë edhe shqyrtimi i parë i Projektligjit për kontabilitet, raportim financiar dhe auditim, si dhe shqyrtimi i parë i Projektligjit për Kadastër. /Telegrafi/