Admirali Stavridis vizitoi FSK-në

Komandanti i Komandës së NATO-s në Evropë, admirali James
Stavridis, së bashku me komandantin e KFOR-it, gjeneralin Erhard Buehler
dhe me bashkëpunëtorë, qëndruan të martën për një vizitë pune në
Ministrinë e Forcës së Sigurisë të Kosovës (FSK), ku u pritën nga
ministri Agim Çeku dhe komandanti i FSK-së, gjenerallejtënant Sylejman
Selimi, me bashkëpunëtorë.Ministri i FSK-së, Agim Çeku e
falënderoi admiralin Stavridis për vizitën që i bëri ministrisë, si dhe e
njoftoi për të arriturat e deritanishme, për prioritet e tij dhe për
zhvillimin e FSK-së në përmbushjen e kapaciteteve të plota operacionale,
si forcë profesionale dhe multietnike.
Admirali Stavridis e ka vlerësuar lart zhvillimet e FSK-së, duke
inkurajuar ministrinë dhe FSK-në për zhvillimin e saj edhe në të
ardhmen.
Ndryshe nga herët tjera, kësaj radhe nuk është paralajmëruar fare vizita e këtij zyrtari të lartë të NATO-s në Kosovë. /Telegrafi/