KMDLNJ vizitoi të ndaluarit e Komunës së Prishtinës

Këshilli për Mbrojtjen e të Drejtave e të Lirive të Njeriut në
Prishtinë vizitoi Qendrën e Ndalimit në Prishtinë të ndalurit e Komunës
së Prishtinës. Sipas Këshillit në përgjithësi të ndaluarit deklaruan se
rasti i tyre ka ndikim politik dhe si i tillë ata shprehen brengosje për
publicitetin që i është dhënë këtij rasti, duke paragjykuar fajësinë e
tyre para se të përfundojnë hetimet.Mirëpo, sipas KMDLNJ-së të ndaluarit kryesisht nuk kishin vërejtje në sjelljet e personelit të qendrës së ndalimit.
“Ata kryesisht ishin trajtuar mirë dhe sipas rregullave të
përcaktuara. Ata nuk kishin vërejtje as në sjelljen e policëve gjatë
arrestimit të tyre”, thuhet në njoftimin e KMDLNJ-së. /Telegrafi/