Buhler vizitoi komunën e Kamenicës

Komandanti i Forcës së Kosovës (KFOR), gjenerali Erhard Buhler, në vazhdën e vizitave të tij nëpër komunat e Kosovës, vizitoi komunën e Kamenicës.
Gjeneral Bühler u prit në ndërtesën e komunës nga kryetari Shaip Surdulli dhe përfaqësuesit e lartë komunal, ku u informua për situatën e tanishme në qytet. Gjatë bisedës, Surdulli vlerësoi rolin ndërmjetësues të Gjeneral Bühler në zgjidhjen e situatës sfiduese në veri.

Komandanti i KFOR-it pati një takim edhe me përfaqësuesit lokal të mediave duke theksuar bashkëpunimin e mirë në mes të komunës dhe KFOR-it dhe theksoi se komuna duhet te jetë shembull për komunat tjera për shkak të partneritetit mes grupeve të ndryshme etnike.

Ai e vizitoi edhe kishën ortodokse serbe dhe xhaminë e qytetit ku veçoi faktin se njerëzit me besime të ndryshme këtu janë integruar dhe mundohen t’i zgjidhin problemet nëpërmjet dialogut.

Në fund të vizitës, Buhler vizitoi stacionet lokale të policisë si dhe stacionin policor kufitar në Muçivërce. /Telegrafi/