Partitë të merren vesh për ndryshimet kushtetuese

Kryetari i Kuvendit të Kosovës, Jakup Krasniqi ka kërkuar nga
partitë politike që të merren vesh se çka duhet të ndryshohet në
Kushtetutën e Kosovës, për t’ia dorëzuar pastaj këto rekomandime
Komisionit kushtetues.Krasniqi këto komente i bëri pas
mbledhjes së kryesisë së Kuvendit, si kundërpërgjigje ndaj kryetarit të
Komisionit, Arsim Bajrami, i cili ka thënë se Komisioni nuk ka mandat
për ta ndryshuar pikën ku flet për mbikëqyrjen e pavarësisë.
Ndryshe, Kuvendi i Kosovës do të debatojë të enjten për shpenzimet e
qeverisë për vitin 2010. Po ashtu në këtë seancë do të debatohet edhe
kërkesa e deputetit, Nait Hasani për masakrën në burgun e Dubravës.
/Telegrafi/