Guvernatori Dean u njoftua me ndryshimet kushtetuese

Kryetari i Kuvendit, Jakup Krasniqi është takua të hënën me guvernatorin Howard Dean, ish-kryetar i Komitetin Kombëtar Demokratin (NDI) dhe ish-kandidat për president në SHBA.

Kryekuvendari Krasniqi fillimisht foli për situatën politike dhe gjendjen e sigurisë në vend, duke e vlerësuar si mjaft të mirë. Ndërsa, duke folur rreth zgjedhjeve të dhjetorit të vitit të kaluar ai theksoi se mbi bazën e rezultatit të këtyre zgjedhjeve është bërë konstituimi i institucioneve të vendit të cilat janë duke i kryer detyrat që i përcakton kushtetuta dhe ligji.

Krasniqi njoftoi guvernatorin Dean lidhur me formimin e komisioneve për ndryshimet kushtetuese dhe reformë zgjedhore.

“Jemi duke bërë ndryshime Kushtetuese sa i përket zgjedhjes së Presidentit drejtpërdrejt nga qytetarët dhe kemi filluar ndryshimet në sistemin zgjedhor. Kemi formuar dy komisione ad-hoc për ndryshimet kushtetuese dhe reformë zgjedhore. Besojmë se do t’ia arrijmë qëllimit”, theksoi Krasniqi, duke sqaruar tutje se lidhur me këtë është duke u bashkëpunuar edhe me faktorët e jashtëm, duke përmendur veçanërisht bashkëpunimin me NDI-në.

Guvernatori Dean, duke përgëzuar kryekuvendarin Krasniqi dhe NDI-në, për punën dhe angazhimet e gjertanishme, tha se bashkëpunimi me Kuvendin e Kosovës do të vazhdojë edhe në të ardhmen.

“Energjia e njerëzve këtu është e jashtëzakonshme. Ju përgëzojmë për atë që po bëni, në mënyrë që vendi të jetë sa më i suksesshëm”, tha Dean. /Telegrafi/