Njëzetegjashtë çështje në ndryshimet kushtetuese

Komisioni për ndryshime kushtetuese, në takimin e fundit, që u
mbajt të premten, e ka miratuar listën me çështjet që do të përfshihen
në ndryshimin dhe plotësimin e Kushtetutës së Kosovës dhe njëkohësisht i
ka kompletuar të tri grupet punuese që tash e tutje janë funksionale
për të punuar në çështjet konkrete.Kryetari i Komisionit,
Arsim Bajrami e ka paraqitur para këtij komisioni edhe listën fillestare
me çështjet që dalin si tema të identifikuara për fillimin e
ndryshimeve kushtetuese, me të cilat mund të fillojnë të merren edhe
grupet punuese në procesin e fillimit të punës së tyre.
Këto çështje janë evidentuar dhe detajuar pas punëtorisë së parë që
ka pasur komisioni javën e kaluar, të shtunën dhe të dielën, raportoi
Kosova Sot.
Bajrami ka thënë se në këtë punëtori janë identifikuar 26 çështje me
të cilat grupet punuese sipas specifikave të tyre do të mund të punojnë
në vijim. Në mesin e këtyre pikave të nxjerra si çështje që do të
trajtohen nga grupet punuese janë përmendur: Mënyra e zgjedhjes së
presidentit, që ndryshon Nenin 86 të Kushtetutës, çështja e dytë ka të
bëjë me kandidimin dhe e ndryshon Nenin 86, Paragrafin 2. Çështja e
tretë është mënyra e kandidimit që e ndryshon Nenin 86, po ashtu
Paragrafi 2, kualifikimet e kandidatit për president që ndryshon Nenin
85.
Shtetësia e kandidatit është një çështje e diskutueshme që është
plotësim i Kushtetutës, certifikimi i kandidatit është plotësim i
Kushtetutës dhe ligjit elektoral, fushata elektorale gjithashtu do të
jetë një plotësim i ri i Kushtetutës, etj. /Telegrafi/