Qeverisje me Kornizë Kushtetuese

Kanë kaluar më shumë se tre vjet që kur është shpallur pavarësia
e Kosovës dhe Qeveria, si njëra nga shtyllat kryesore të shtetit,
vazhdon të funksionojë në bazë të një Rregulloreje që e bart vulën e
UNMIK-ut.Kjo Rregullore është hartuar qysh në kohën kur
kryeministër ka qenë ministri aktual i FSK-së, Agim Çeku, por është
miratuar nga kryeministri aktual, Hashim Thaçi, vetëm një javë pasi
është pavarësuar vendi, përkatësisht më 24 shkurt të vitit 2008.
Puna e Qeverisë është e mbështetur në Kornizën Kushtetuese të
Kosovës, e cila është nënshkruar nga ish-kryeadministrator i UNMIK-it,
Hans Haekkerup, shkruan Koha Ditore.
Kabineti “Thaçi 2” e ka nxjerrë një Rregullore të re, të mbështetur
në Kushtetutë, me atë të së cilës i ka përcaktuar fushat e përgjegjësisë
të Zyrës së kryeministrit dhe të ministrive, por edhe atë e ka bazuar
në Rregulloren e vjetër të punës që e mban logon e UNMIK-ut. /Telegrafi/