FSK thellon bashkëpunimin me Iowa

Një delegacion i lartë ushtarak i Gardës Kombëtare të shtetit të Iowa të SHBA-ve ka vizituar të mërkurën Ministrinë e Forcës së Sigurisë së Kosovës (MFSK).
Me ketë rast ministri i Agimi Çeku ka thënë se byroja e Gardës Kombëtare e SHBA-së, e ka zgjedhur Iowanë si shtetin me të përshtatshëm me resurset dhe kapacitetet e nevojshme që t’i mbështesë dhe adresojë kërkesat e Kosovës në përgjithësi dhe FSK-së në veçanti.

Gjatë një konference të përbashkët për media me gjeneralmajorin amerikan Timothy Orr, Çeku ka thënë se programi i partneriteti shtetëror të Gardës Kombëtare është një program shumë i rëndësishëm për disa arsye.

“Është program i njohur që ndërton dhe fuqizon partneritete, është program që SHBA-të demonstrojnë respekt dhe miqësi për vendin që lidhin partneritet”, ka thënë Ceku.

Gjeneralmajori Orr tha se takimi do të shënojë një të ardhme të ndritshme.

“Unë mendoj se bashkëpunimi ynë, do të jetë afatgjatë dhe presim që të mësojmë nga njëri-tjetri dhe të zhvillojmë të ardhmen”, tha gjeneralmajori Orr. /Telegrafi/