Përdoruesit e paracetamolit të rrezikuar nga kanceri !

Përdoruesit e rregullt të paracetamolit janë në rrezik për t’u sëmurë nga kanceri, kanë konfirmuar shkencëtarët amerikanë pas hulumtimit të fundit. Paracetamoli përmban lëndën kimike me emrin acetaminofen, e cila është e lidhur me rastet e kancerit te një numër i madh i njerëzve që e konsumojnë rregullisht.

Rezultatet e hulumtimit definitivisht do t’ia fusin tmerrin miliona njerëzve nëpër gjithë botën, të cilët marrin paracetamol për të mjekuar probleme më të vogla shëndetësore, duke mos menduar fare për të më parë.

Në një hulumtim të mëhershëm është zbuluar që aspirina zvogëlon rrezikun nga kanceri i zorrës së trashë, por në të njëjtën kohë rrit rrezikun nga gjakrrjedhja e të thatit.

Më herët është spekuluar që acetaminofeni rrit rrezikun nga kanceri. Hulumtimet në disa pacientë nuk janë kompetente si hulumtimi i fundit i cili ka përfshirë numër të madh të njerëzve të shëndetshëm gjatë një periudhe më të gjatë kohore.

Në hulumtim shkencëtarët kanë përcjellë rreth 65.000 njerëz në shtetin Washington. Po ashtu, i kanë pyetur për përdorimin e tyre të analgjetikëve gjatë dhjetë viteve të fundit për të vërtetuar që askush nuk është sëmurë nga kanceri. Gjatë gjashtë viteve 577 persona janë sëmurë nga kanceri i cili përfshin edhe qelizat e gjakut. Më shumë se nëntë për qind e të sëmurëve ka përdorur sasi të mëdha të acetaminofenit, ndërsa pesë për qind të të sëmurëve nga kanceri nuk e ka përdorur këtë lëndë kimike.

Pasi që janë llogaritur faktorët siç është mosha, artriti dhe historia familjare e sëmundjeve nga kanceri, është përcaktuar që përdoruesit e acetaminofenit janë dyfish në rrezik më të madh për t’u sëmurë nga kanceri.

Analgjetikët e tjerë, si aspirina dhe ibuprofeni nuk janë të lidhura me kancerin e qelizave të gjakut.

Në bazë të rezultateve të hulumtimit do të rekomandohen disa nga analgjetikët, por duhet pasur parasysh që asnjëri prej tyre nuk vepron pa efekte anësore, kanë raportuar mediet britanike.