Rreth 90 të vdekur nga cikloni tropikal “Agatha”

Si pasojë e një cikloni tropikal, e para për këtë vit, në Amerikën Qendrore kanë humbur jetën të paktën 90 njerëz. Vetëm në Guatemala u njoftua për 73 viktima.
Në El Salvador, sipas të dhënave më të fundit të autoriteteve vendore, kanë humbur jetën të paktën nëntë njerëz, në Honduras tetë. Një numër njerëzish konsiderohen të humbur.

Në këto shtete është vendosur gjendje e jashtëzakonshme. Cikloni "Agatha" u shoqërua nga stuhi të dendura, rrëshqitje të tokës dhe përmbytje. Ndërkaq stuhia ka rënë në ultësirat tropikale. /DW/