Agani Mustafa pro bashkëpunimit në shëndetësi

Ministri i Shëndetësisë i Republikës së Kosovës, Ferid Agani u takua të premten me kryetarin e Prishtinës, Isa Mustafa, ndërsa kanë rënë dakord që të ketë bashkëpunim për zbatimin e politikave shëndetësore.
Në këtë takim Agani e ka njoftuar kryetarin e Prishtinës, Mustafa me hapat që po ndërmerr Ministria në zbatim të reformës shëndetësore dhe ishte vlerësim i përbashkët se midis Ministrisë dhe Komunës duhet të zhvillohet një komunikim i rregullt, duke qenë se Prishtina ka numrin më të madh të qytetarëve në vend dhe numri më i madh i institucioneve shëndetësore janë në kryeqytet.
Po ashtu, të dy zyrtarët janë pajtuar që të ketë bashkëpunim për zbatimin e politikave shëndetësore që për interes kanë sigurimin e përkujdesjes dhe shërbimeve shëndetësore sa më cilësore për qytetarët. /Telegrafi/