Thaçi dhe Xhaferri pro bashkëpunimit ndërfqinjësor

Kryeministri Hashim Thaçi është takuar të premten me zëvendëskryeministrin e Qeverisë së Republikës së Maqedonisë, Musa Xhaferi. Në këtë takim u theksua rëndësia e fuqizimit të bashkëpunimit mes dy vende në kuadër të procesit të integrimeve evropiane, si dhe në fushën e zhvillimit ekonomik.

Zëvendëskryeministri i Maqedonisë, Musa Xhaferi, po qëndron për vizitë zyrtare në Kosovë me ftesë të homologut Hajredin Kuçi.

“Republika e Kosovës është e përkushtuar në ndërtimin e marrëdhënieve të mira me të gjithë fqinjët e vet, në funksion të thellimit të bashkëpunimit rajonal, që është një ndër parakushtet kryesore për integrimin e plotë të të gjitha vendeve të rajonit në Bashkimin Evropian dhe në NATO”, theksoi kryeministri Thaçi, duke shtuar se në këtë kuadër marrëdhëniet mes Republikës së Kosovës dhe Republikës së Maqedonisë janë të shkëlqyera dhe ato vetëm sa do të forcohen edhe më tej. /Telegrafi/