Presidentja Jahjaga, vizitë private në Tetovë

Presidentja e Kosovës, Atifete Jahjaga të premten pasdite
qëndroi për vizitë në Tetovë. Gjatë kësaj vizite ajo ka realizuar takim
me zyrtarë të lartë të partive shqiptare.Sipas portalit
Zhurnal, Jahjaga është pritur nga nënkryetari i Bashkimit Demokratik për
Integrim (BDI), Izet Mexhiti, deputetja Ermira Mehmeti-Devaja dhe
sekretari organizativ i partisë, Hazbi Lika.
Temë diskutimi në këtë takim ka qenë situate aktuale politike në
rajon dhe Maqedoni, sidomos, në prag të zgjedhjeve të parakohshme
parlamentare të 5 qershorit.
Po ashtu mësohet se Jahjaga është takuar edhe me përfaqësues te partive të tjera shqiptare në Tetovë.
Vizita e presidentes së Kosovës në Maqedoni ishte vizitë private,
pasi që nuk ka pasur asnjë informacion zyrtar për qëndrimin e saj në
Tetovë. /Telegrafi/