Vezët dhe diabeti

Vezët dhe diabeti


Studimet e fundit epidemiologjike në Kinë, të zhvilluara në
rreth 3 mijë persona më të moshuar se 20 vjet, bëjnë të ditur se ka
lidhje në mes të konsumimit të vezëve dhe rrezikut nga diabeti.

Studimet
e mëhershme e kanë lidhur konsumimin e vezëve me nivelin e rritur të
kolesterolit dhe triglicerideve në gjak dhe me rrezik më të rritur të
prekjes nga sëmundjet kardiovaskulare.
Ndërsa studimet më të reja kineze thonë se madje dy vezë në javë
rrisin rrezikun nga diabeti, ndërkaq rreziku më i lartë është nga
konsumimi i më shumë se një veze në ditë.
Rezultatet e hulumtimit bëjnë të ditur se konsumimi i vezëve është
ngushtë i lidhur me rrezikun për diabet dhe se rreziku është më i lartë
për femrat se për meshkujt. Për momentin nuk është i qartë mekanizmi i
cili qëndron prapa lidhjes së konsumimit të vezëve dhe rrezikut të
rritur për diabet.