Meshkujt sëmuren më shpesh nga diabeti tip 2

Shkencëtarët kanë zbuluar pse meshkujt sëmurën më shpesh sesa femrat nga diabeti tip 2. Sipas tyre, arsyeja është se ata janë biologjikisht më të ndjeshëm.

Ekipi i shkencëtarëve pranë Universitetit të Glasgout pohon se te meshkujt kjo sëmundje zhvillohet në indeks shumë më të vogël të masës trupore (BMI) në raport me femrat.

Besohet se për këtë është fajtor shpërndarja e indit yndyror, sepse te meshkujt ai grumbullohet rreth mëlçisë dhe belit.

Nga ana tjetër, femrat kanë më shumë sasi të indit yndyror nënlëkuror, edhe atë në ije dhe në bel. Kjo praktikisht nënkupton se për t’u sëmurë nga diabeti tip 2, femrat duhet të akumulojnë shumë më tepër ind yndyror sesa meshkujt. /Telegrafi/