Kërkesat e luftëtarëve të UÇK-së janë të ligjshme

Zyrtarë të Këshillit për Mbrojtjen e të Drejtave dhe Lirive të
Njeriut në Prishtinë vizituan grevistët e Këshillit për Mbrojtjen e të
Drejtave të Luftëtarëve të Ushtrisë Çlirimtare të Kosovës. KMDLNj mendon
se kërkesat e grevistëve janë të ligjshme dhe ato duhet të merren
parasysh nga institucionet e Kosovës.Në njoftimin për media
thuhet se zyrtarët e KMDLNj-së u informuan për gjendjen e grevistëve
dhe për kërkesat e tyre. Sipas grevistëve kërkesë kryesore e tyre është
përshpejtimi i nxjerrjes së Ligjit për vlerat e luftës së UÇK-s dhe
kthimin e dinjitetit të veteranëve të luftës..
KMDLNj konstaton se gjendja e ekonomike dhe sociale e kësaj kategorie
është e rëndë. Atyre u duhet përkrahje me e madhe institucionale për të
përballuar gjendjen e rëndë ekonomike dhe sociale. Kjo çështje duhet të
zgjidhet sipas praktikave dhe standardeve të vendeve që janë
ballafaquar me këto kategori. /Telegrafi/