Policia nuk ndërmerr e vetme veprim në veri

Policia e Kosovës nuk do të ndërmerr ndonjë veprim në veri të
vendit për zhbllokimin e magjistrales në Zubin Potok, pa koordinim me
KFOR-in e EULEX-in. Kështu i tha Radio Kosovës, ministri i Punëve të
Brendshme, Bajram Rexhepi, duke mos komentuar deklaratën e komandantit
të KFOR-it, Erhard Buehler, i cili nuk ka mohuar mbështetjen e mundshme
që në idenë e ministrit në veri të dërgojë njësinë speciale të Policisë
së Kosovës.Ndonëse serbët e veriut të Kosovës po e mbajnë të
bllokuar qe shtatë ditë rrugën magjistrale, që lidh Kosovën me Serbinë,
në Zubin Potok, forcat e sigurisë në Kosovë ende nuk kanë ndërmarrë
ndonjë hap për zhbllokimin e saj.
Gjenerali Buhler i ka paralajmëruar protestuesit serbë se po e humb durimin dhe se do të duhet që me forcë ta lirojë rrugën.
Me protestën e tyre, serbët e veriut po kërkojnë lirimin e
menjëhershëm të qytetarit Jevrem Pantelic, të arrestuar nga EULEX-i, i
cili dyshohet që të jetë udhëheqës i kontrabandës me derivate. /Telegrafi/