Feith: Qytetarët përfitojnë nga Qendra e shërbimeve

Përfaqësuesi Civil Ndërkombëtar, Pieter Feith ka përshëndetur
hapjen e Qendrës për shërbime të qytetarëve në veri të Mitrovicës. Ai
theksoi se kjo qendër është një hap tjetër i Qeverisë së Kosovës për ta
çuar përpara përkushtimin drejt ofrimit të shërbimeve për të gjithë
qytetarët e Republikës së Kosovës, pa dallim etnie. Ai
pohoi se ICO-ja vazhdon ta mbështesë Qeverinë e Kosovës në përpjekjet
për përmirësimin e shërbimeve publike dhe kushteve të jetesës në Kosovën
veriore mbi bazat e demokratizimit, përparimit paqësor dhe kuptimit të
njëmendtë të pronësisë lokale dhe të pjesëmarrjes në një Mitrovicë
transparente dhe funksionale
“QSHQ-ja do të ofrojë shërbime të dobishme për qytetarët–në mënyrë
specifike do të ofrojë një qendër e re për regjistrimin e bizneseve dhe
OJQ-ve që do t’u mundësojë qytetarëve qasje më të gjerë në mundësitë
ekonomike. Këso shërbimesh në veri të Kosovës nuk ka pasur më përpara.
Që nga hapja vitin e shkuar të Qendrës për Shërbime Civile në Mitrovicën
veriore, Qeveria ka marrë kërkesa nga qytetarët për këso lloj
shërbimesh”, tha Feith.
Sipas tij, Ekipi Përgatitor Komunal për Mitrovicën veriore do të
vendoset gjithashtu në të njëjtin objekt me QSHQ-në. “EPK-ja ka punuar
që nga shkurti i vitit 2010 dhe ka realizuar një sërë projektesh që
synojnë përmirësimin e standardeve të jetesës dhe kontribuojnë në
përmirësimin e cilësisë së jetës për qytetarët e Mitrovicës veriore.
QSHQ-ja do t’i mundësojë EPK-së që të përgatisë krijimin e komunës së re
të Mitrovicës Veriore”. tha Përfaqësuesi Civil Ndërkombëtar.
/Telegrafi/