“Vetëvendosje”: Qytetarët nuk do të votojnë më për hajna

Lideri i lëvizjes “Vetëvendosje” ka thënë të enjten në Malishevë se qytetarët nuk do të votojnë më për rrena dhe hajna, po për programin e lëvizjes “Vetëvendosje” që do të bëjë negociata për bashkimin me Shqipërinë.
Ai ka thënë se qytetarët nuk do t’i votojnë ata politikanë që dalin e zgërdhihen me një flamur lara lara, e që bëjnë negociata me Beogradin, por do të votojnë për “Vetëvendosjen” që do të bëjë negociata për bashkim me Shqipërinë.

Ndërkaq, Wiliam Walker, ish ambasador i OSBE-së në Kosovë ka thënë se shpesh pyetet nëse Washintoni do të pranojë një qeveri të udhëhequr nga lëvizja “Vetëvendosje”.

Me këtë rast, ai tha se e heq këtë dilemë, pasi sipas tij SHBA-të do ta mbështesin secilën qeveri pavarësisht nga kush udhëhiqet, por që është vullnet i qytetarëve të Kosovës.

Ndërsa, Visar Ymeri ka folur për programin ekonomik, ndërsa në këtë drejtim ka premtuar mbështetje për bujqësi, zhvillim ekonomik dhe krijim të një tregu të përbashkët mbarëkombëtarë.