Jahjaga: Kriminelët nuk mund t’i ikin drejtësisë

Presidentja e Republikës së Kosovës, Atifete Jahjaga, ka
mirëpritur arrestimin e të akuzuarit për krime kundër njerëzimit në
Bosnjë, kriminelit serb, Ratko Mladic.“Arrestimi i
kriminelit Ratko Mlladiq është një lajm i pritur gjatë nga drejtësia
ndërkombëtare dhe sidomos nga familjarët e viktimave dhe të gjithë
qytetarët që pësuan nga veprimet e tij”, thuhet në deklaratën e
presidentes Jahjaga. Sipas së njëjtës, ky akt dëshmon se krimi nuk
vjetrohet dhe se kriminelët asnjëherë nuk mund t’i ikin dorës së
drejtësisë.
“Dërgimi i Mladicit në Hagë do të mundësojë që të shpjegohet
ideologjia që nxitit luftërat në ish-Jugosllavi, duke shkatërruar jetën
dhe të mirat e shumë njerëzve. Ky rast do të shërbejë për nxitje, që të
gjithë kriminelët të dalin para drejtësisë dhe të marrin dënimin e
merituar, si rrugë e vetme në procesin e pajtimit dhe të heqjes dorë nga
e kaluara”, thuhet në deklaratë. /Telegrafi/