PNDSH: Arrestimi i Mladicit orkestrim politik i Beogradit

Partia Nacional Demokratike Shqiptare konsideron se kapja e
kriminelit serb Ratko Mladicit nga autoritetet serbe në ditën e vizitës
së Përfaqësues së Lartë për Politikë të Jashtme dhe Siguri, Catherine
Ashton në Beograd dhe presidentit amerikan, Barack Obama në Evropë nuk
është rastësi.Kjo parti vlerëson se arrestimi në këtë
periudhë është koordinim i aranzhuar politik dhe orkestrim i qëllimshëm i
Beogradit zyrtarë.
“Ky orkestrim, nuk dëshmon vetëm atë se policia e Serbisë tash sa
kohë e ka ditur se ku gjendej krimineli Mladic të cilin ka mundur ta
kishte arrestuar në cilëndo kohë, por edhe atë se, rrugëtimin drejtë
BE-së, Beogradi në vend se ta bëjë me reforma përmbajtjesore në raport
me fqinjët dhe me shumë probleme të brendshme, ato mundohet t’i
kompensoj me orkestrime të tilla, që fundja nuk sjellin kurrfarë
ndryshimi përmbajtjesor në politikën e saj refuzuese dhe jo të
sinqertë”, thuhet në komunikatën e PNDSH-së. /Telegrafi/