Gjashtë komandantët serbë rrezikojnë të përjashtohen nga policia

Gjashtë komandantët serbë të policisë së Kosovës rrezikojnë të humbasin vendet e tyre të punës nëse vazhdojnë të mos i respektojnë urdhrat e drejtorit të përgjithshëm, Reshat Maliqi.
Ky i fundit, ua ka vazhduar suspendimin për një afat të pacaktuar gjashtë komandantëve, katër të stacioneve policore dhe dy të pikave kufitare në veri.
Vendimin për vazhdimin e suspendimit, Maliqi e ka marrë të premten, si rezultat i një rekomandimi që ka marrë nga Drejtoria e standardeve profesionale, raporton Koha Ditore.
Zëdhënësi i Policisë, Besim Hoti ka konfirmuar se suspendimi i këtyre zyrtarëve policisë është bërë për shkelje disiplinore, mosbindje të rëndë, mosrespektim të drejtorit të përgjithshëm të Policisë së Kosovës për ndërrim të vendit të punës, përkatësisht rrotacionit. /Telegrafi/