Diplomaci me ambasadorë partiakë

Hashim Thaci e Behgjet Pacolli nuk janë marrë vesh vetëm për shtimin dhe ndarjen e posteve ministrore. Ata kanë bërë marrëveshje edhe për delegimin e aktivistëve të partive të tyre nëpër përfaqësi të ndryshme diplomatike.
Këtë lloj marrëveshje politike midis PDK-së dhe AKR-së e ka konfirmuar vetë zëvendësministri i Punëve të Jashtme, Ibrahim Gashi, qysh në ditën e parë të punës në ministri.
Gashi, i cili njëherësh është edhe nënkryetar i AKR-së, ka thënë se ditëve të vijimi pritet që shefi i protokollit të Pacollit, Shpend Kallaba të emërohet ambasador në një shtet të jashtëm, shkruan Koha Ditore.
Por, për ish-ministrin e Punëve të Jashtme, Skender Hyseni dhe për partitë opozitare, emërimet e tilla do të defunksionalizojnë shërbimin diplomatik. Sipas opozitës, partnerët e koalicionit po e shkaktojnë precedentin që sa herë të ndërrohen qeveritë, të ndërrohen edhe ambasadorët. /Telegrafi/