Në korrik vazhdon dialogu Prishtinë-Beograd

Shefi i ekipit negociues serb, Borislav Stefanovic ka thënë se
takimi midis Beogradit dhe Prishtinës do të mbahet nga gjysma e
korrikut.“Do të fokusohemi që para pushimit veror, të
mbyllim kaptinën e lirisë së lëvizjes, telekomunikacionit, energjisë
elektrike, librave amëz dhe kadastrit. Për formën e pjesëmarrjes së
Kosovës në takimet dhe anëtarësimin në organizatat ndërkombëtare nuk do
të diskutohet”, ka thënë Stefanovic për gazetën Veçernje Novosti.
Sipas tij, për Serbinë edhe më tutje formula e vetme e pranueshme
është ajo që saktëson Rezoluta 1244, që do të thotë se përpara
përfaqësuesit të Prishtinës që qëndrojë tabela me siglën UNMIK-Kosovo.
Ndërsa sa i përket kërcënimit të Kosovës se do të tërhiqet nga CEFTA
nëse nuk gjendet formula e re e pjesëmarrjes së Kosovës në këtë
organizatë, nga Bruksel është sinjalizuar se ky veprim nuk do të hasë në
reagime pozitive në BE. /Telegrafi/