Anulohen bisedimet Prishtinë-Beograd

Raundi i bisedimeve ndërmjet Kosovës dhe Serbisë, i planifikuar të mbahet sot është anuluar, për shkak se, siç thuhet, delegacioni i Beogradit ka kundërshtuar agjendën e paraparë.

“Dialogu nuk është zhvilluar, sepse pala serbe nuk ka qenë e gatshme për të vazhduar bisedimet”, transmetojnë agjencitë e huaja deklaratën e ndërmjetësit evropian në dialog, Robert Cooper.

I njëjti citohet të ketë thënë se bisedimet do të vazhdojnë kur “delegacioni serb të jetë i gatshëm për t’u riangazhuar”. /Telegrafi/