De Marnhac dhe Bogdanovic biseduan për komandën rotative në polici

Shefi i EULEX-it, Xavier Bout de Marnhac dhe drejtuesi i të
ashtuquajturës Ministri për Kosovën në qeverinë e Serbisë, Goran
Bogdanovic janë pajtuar të mërkurën në Beograd se vetëm me dialog mund
të zgjidhen problemet në Kosovë.“Jemi pajtuar se edhe
EULEX-it duhet të jetë me status neutral dhe se përderisa ky mision mban
këtë mandat do të ketë përkrahjen e serbëve në Kosovë dhe të
Beogradit”, ka thënë Bogdanovic, raportoi Tanjug.
Sipas tij, me Marnhacun janë pajtuar që ditëve në vijim përfaqësuesit
e serbëve të bisedojnë me zyrtarë të EULEX-it dhe të gjendet zgjidhje
më e mirë në të mirë të dy palëve kur është në pyetje komanda rotative e
stacioneve policore në veri të Kosovës.
Sic është paralajmëruar, De Marnhac, të mërkurën në Beograd do të takohet edhe me ministrin e Punëve të Brendshme, Ivica Dacic. /Telegrafi/