Petrovic: Nuk do të ketë ndarje të Kosovës

Zëvendëskryeministri i Kosovës, Slobodan Petrovic theksoi se
ndarja e Kosovës do të ishte zgjidhje e dëmshme për gjithë rajonin dhe
nuk e ka mbështetjen as të serbëve të Kosovës.Petrovic në
një intervistë për radio Dukagjinin është shprehur i bindur se ndarje
nuk do të ketë. Ndërkaq, duke folur për pritshmërinë e raportit të
progresit, Petrovic ka theksuar se ka marrë premtime nga presidenti i
Komisionit Evropian, Hoze Manuel Baroso se raporti për Kosovën do të
jetë pozitiv.
Zëvendëskryeministri i Kosovës, Slobodan Petrovic, njëherësh kryetar i
Partisë së Pavarur Liberale serbe ka thënë se ideja e ndarjes është e
dëmshme dhe nuk do të ndodh kurrë.
“Qëndrimi ynë zyrtar si e Partisë së Pavarur Liberale serbe ashtu
edhe e imja personale dhe e gjithë serbëve është se ndarja e Kosovës
është një ide e dëmshme. Çdo ndarje apo shkëmbim i territoreve nuk është
zgjidhje dhe nuk do të ndodhë kurrë”, tha ai. /Telegrafi/