WikiLeaks: Dinkic për ndarje të Kosovës

Ueb-faqja WikiLeaks ka publikuar një seri të re të kabllogrameve të ambasadave amerikane.

Në një kabllogram të qershorit 2007, flitet për vizitën që ministri i atëhershëm serb i Ekonomisë, Mladan Dinkic, i bëri ambasadorit amerikan Michael Polt. Koha më e madhe e bisedimeve i është kushtuar zhvillimeve ekonomike në Serbi dhe Kosovës.

Ambasadori amerikan i ka thënë Dinkicit se pavarësia e Kosovës është e pashmangshme.

“Situata nuk është e këndshme”, është përgjigjur Dinkic, transmeton Blic.

“Qëndrimi i tij ishte se ndarja është zgjidhja më e mirë”, shkruan Polt dhe shton se Dinkic ka thënë se “është e pamundur të pritet nga Serbia që 100 për qind ta ndryshojë pikëpamjen për situatën në Kosovë”. /Telegrafi/