Ministri serb Obradovic nuk lejohet të hyjë në Kosovë

Policia e Kosovës nuk ka lejuar të mërkurën që të hynë në vend
tre zyrtarë të lartë të Partisë Socialiste të Serbisë (SPS) - ministri
serb për Arsim, Zarko Obradovic, sekretarin e përgjithshëm i Parlamentit
të Serbisë, Velko Odalovic dhe shefit e grupit parlamentar të SPS-it,
Branko Ruzic.Vizita e tyre është thënë se është e karakterit privat, por ata nuk janë lejuar të hynë në territorin e Kosovës.
Ministri Obradovic për agjencinë Beta ka thënë se Policia e Kosovës e
ka ndal në pikën kufitare të Dheu i Bardh, në afërsi të Bujanocit, ia
ka marr dokumentet e udhëtimit dhe e ka lënë të pres dy orë të tëra,
ndërsa ai ishte nisur për një vizitë private në Ranillug
“Më kanë thënë se nuk mund të shkojë në Kosovë, sepse nuk e kam
paralajmëruar vizitën. U kam thënë se po shkoj në vizitë private dhe se
për këtë nuk duhet t’i njoftoj, por nuk më kanë lëshuar. Pasi që kam
pritur dy orë, kam parë se nuk do të më lënë të hynë, dhe i kam marr
dokumentet e mia dhe jam kthyer mbrapa”, ka thënë Obradovic.
Njëkohësisht, në Kosovë ka tentuar të hyjë edhe sekretari i
përgjithshëm i Parlamentit të Serbisë, Velko Odalovic, i cili është
kryetar i komisionit qeveritar për të pagjeturit.
“Përherë jam në Kosovë si udhëheqës i grupit punues për të
pagjeturit. Nuk mund të kuptoj pse na kanë ndalur, nuk di për çfarë
bëhet fjalë”, ka thënë Odalovic, i cili është i lindur në Kosovë.
Ndërkohë zëdhënësi i Policisë së Kosovës, Arbër Beka ka thënë se nuk
është i njoftuar për detajet e ndalesës së zyrtarëve serbë dhe se më
shumë mund të informojë pas takimit me zyrtarë të policisë kufitare.
Po ashtu edhe Ruzic nuk është lejuar të hyjë brenda territorit të
Kosovës, edhe pse ka thënë se ishte nisur për një vizitë private te
familjarët në Brestovik të Pejës. Ruzic për agjencinë Tanjug ka thënë se
Policia e Kosovës ia kishte treguar një ndalesë me shkrim të nënshkruar
nga zëvendëskryeministri Hajredin Kuçi. /Telegrafi/