Koncentrimi mund t’ju shurdhojë

Të gjithë kemi përjetuar ose dëgjuar që kur njerëzit përqendrohen
thellë në leximin e librave apo zgjidhjen e enigmave sfiduese,
literalisht mund të shurdhohen ndaj informatave të zërit, ta zëmë që po u
niset treni apo autobusi.
Shkencëtarët nga University College London
kanë zbuluar se si fokusimi në detyrë mund të rezultojë me shurdhësi në
tingujt e përkryer akustikë tek individët me dëgjim normal.
Profesoresha Nilli Lavie nga Institute of Cognitive Neuroscience,
shpjegon ketë fenomen me pohimin se si “shurdhimi pa dashje është
përvojë e përditshme e zakonshme”.
Hulumtimi është përbërë nga disa
eksperimente të dizajnuara për mbajtjen e vëmendjes së pjesëmarrësve,
derisa në të njëjtën kohë u janë lëshuar tonet në kufje. Gjatë detyrave
më të lehta vetëm dy nga dhjetë pjesëmarrës e kanë shmangur tonin, por,
gjatë detyrave më të ndërlikuara tetë nga dhjetë pjesëmarrës nuk kanë
arritur ta identifikojnë tonin.
“Për dëgjimin shpesh mendohet se si
është zhvilluar si sistem i paralajmërimit të hershëm i cili nuk varet
nga vëmendja, por hulumtimet tona tregojnë që nëse vëmendja dhe
koncentrimi janë të fokusuara në ndonjë detaj, mund të jemi literalisht
të shurdhër për botën rreth nesh,” shpjegon profesoresha Lavie.
“Në
hulumtimin tonë shumica e njerëzve ka vënë re tingullin, nëse detyra e
tyre ishte e thjeshtë dhe nuk kërkonte koncentrim të plotë. Megjithatë,
kur detyra ishte më e vështirë, njerëzit e njëjtë kanë përjetuar
shurdhimin në tingullin e njëjtë,” përfundon ajo.