Ruani vitaminat dhe mineralet në ushqime

Vitaminat dhe mineralet mund të humbin lehtë kur pemët dhe perimet
zihen, prandaj hajini sa më të freskëta, para se të harroni që janë në
frigorifer. Ose përdorni ushqime të ngrira.
Mos e teproni me zierjen:
fillimisht vëni ujin të vlojë, hidhni ushqimet, mbuloni me kapak për të
mbajtur avullin dhe zieni për një kohë të shkurtër. Sa më gjatë të
zieni, ushqimi është më pak kualitativ, transmetojnë mediet britanike.
Përdorni
sa më pak ujë për zierje. Nëse e përdorni atë ujë për salca apo supa,
do të përdorni vitaminat dhe mineralet të cilat kanë mbetur nga ushqimet
në ujë. Shmanguni që t’i lëni perimet e prera në ajër, dritë apo
nxehtësi.
Ushqimet gjithsesi mbështillni në qese plastike të mbyllura
hermetikisht dhe lërini në frigorifer. Mos i lëni në pjatë me ujë,
sepse vitaminat dhe mineralet mund të zbërthehen në ujë.