Bogdanovic: Shkëmbimi i territoreve i pamundur pa luftë

Drejtuesi i të ashtuquajturës Ministri për Kosovën në qeverinë
serbe, Goran Bogdanovic ka thënë se me pranimin e ndarjes së Kosovës do
të dërgohet një mesazh i qartë se nuk ka asgjë nga kthimi dhe se
shkëmbimi i territoreve nuk mund të bëhet pa luftë.Sipas tij, secili opsion për zgjidhjen e problemit të Kosovës, duke përfshirë edhe ndarjen, ka përparësitë dhe mangësitë e saj.
“Rreziku që vjen nga ndarja e Kosovës është se 70 mijë serbë që
jetojnë në jug të lumit Ibër, do të mund të mbesin në dhunë dhe me
pastrim etnik të shkallëzuar”, ka thënë Bogdanovic për mediat serbe.
Sa i përket shkëmbimit të territoreve ndërmjet Serbisë dhe Kosovës,
gjegjësisht Luginën e Preshevës me veriun e Kosovës, Bogdanovic ka thënë
se kjo ide në shekullin 21 është e pamundur. /Telegrafi/