Bogdanovic akuzon Prishtinën për provokim

I ashtuquajturi ministër serb për Kosovën, Goran Bogdanovic e
akuzoi të premten Prishtinën zyrtare se me provokime në llogari të tij
dhe Borko Stefanovic, dhe me ndalim dhe deportim të tyre nga Kosova, po
destabilizon gjendjen në Kosovë. Gjatë një vizite që po e
zhvillon sot në veri, ai tha se shumë herë është provokuar, derisa si
banor i Kosovës i janë thyer të drejtat elementare të njeriut, e drejta e
lirisë së lëvizjes.
Përndryshe ministri duke iu përgjigjur pyetjes së KLAN Kosovës se nuk
po vjen si banor i Kosovës por si ministër, tha se nuk ka kërkuar dhe
as që i është dhënë leja për të hyrë në Kosovë.
Ai solli në emër të qeverisë, 350 mijë euro për ndërmarrjet e vogla
dhe të mesme. Ndërkohë, në Zubin Potok vazhdon bllokada një orësh e
rrugës. /Telegrafi/