As në ëndërr PDK-ja nuk e merr Prishtinën

Isa Mustafa, kryetar i LDK-së, ka ironizuar me deklaratën e kreut të PDK-së, Hashim Thaçi, i cili në një intervistë dhënë televizionit Klan Kosova, ka thënë se shumë shpejt PDK-ja, do ta marrë edhe Prishtinën.

“Këtë gjë Thaçi mund ta sheh vetëm në ëndërr”, tha të premten Mustafa, pas një aktiviteti kulturor për fëmijë të mbajtur me rastin e festive të fundvitit.

Ai i ka quajtur qesharake përgjigjet e Thaçit dhënë këtij televizioni. Mustafa tha se është e habitshme se si një kryeministër mund t’i quaj zgjedhjet e 12 dhjetorit si demokratike kur aty, sipas tij, kanë ndodhur vjedhje të mëdha.

Ndryshe, Mustafa ka thënë se nuk është kontaktuar nga askush për mundësinë e krijimit të ndonjë koalicioni, por e ka përjashtuar çdo afrim me PDK-në.

Mustafa e ka lënë të mundshme krijimin e një qeverie nga LDK-ja, nëse atë dështon ta bëjë PDK-ja.