Bogdanovic: KFOR-i të jetë neutral

I ashtuquajturi ministër për Kosovën në qeverinë e Serbisë, Goran Bogdanovic, ka kërkuar nga komandanti i KFOR-it, Erhard Buehler, që forcat ndërkombëtare të mbajnë qëndrim neutral.
Ai ka thënë se KFOR-i nuk duhet të lejojë që me automjetet e veta të transportojë doganierët kosovarë në kufijtë në veri të vendit.

Mediat serbe raportojnë se Bogdanovic dhe Buehler kanë biseduar në Pejë rreth çështjes së kalimeve alternative në veri të Kosovës dhe bllokadave që janë vendosur në Zveçan.

Përfaqësuesi serb ka thënë se ka kërkuar që KFOR-i të zhbllokojë kalimet alternative dhe të mundësojë funksionimin e komunikacionit rrugor. Bogdanovic nuk ka marrë kurrfarë garancie nga komandanti i KFOR-it në lidhje me këtë, por, sipas tij, Buehler ka premtuar që KFOR-i do të jetë neutral dhe do të bëjë gjithçka që të ulen tensionet në veri. /Telegrafi/