Bogdanovic: Leshaku i qetë por me tension

I ashtuquajturi ministër për Kosovën, Goran Bogdanovic, ka thënë se situata në Leshak të veriut të Kosovës është “e qetë por e tensionuar”.

Bogdanovic ka thënë për agjencinë serbe të lajmeve “Beta” se buldozeri është konfiskuar pas dy orë bllokade, sepse “përfaqësuesit e KFOR-it dhe EULEX-it kanë siguruar dhe dorëzuar vërtetimin për marrjen e përkohshme të këtij mekanizmi”.

“Situata është e qetë, por ka tension. Nuk kemi asgjë kundër të hetojnë kush e ka djegur punktin në Jarinje, por mënyra me të cilën këtë e bëjnë dhe demonstrimi i dhunës janë të papranueshme”, ka thënë ai, për të shtuar se është shqetësuese që për aksionin e forcave ndërkombëtare nuk është informuar, siç thotë ai, udhëheqësia lokale. /Telegrafi/