Qiproja refuzon ta njohë pavarësinë e Kosovës

Shteti jugor i Qipros, i administruar nga grekët qipriotë, vazhdon të
refuzojë njohjen e pavarësisë së Kosovës. Punë të madhe në këtë drejtim
po bën edhe lobimi i serbëve.
Presidenti qipriot, Demetris Kristofias, ka thënë se Qiproja nuk do
ta njohë edhe më tej pavarësinë e Kosovës. Kjo është konfirmuar pas
takimit që Kristofias ka pasur me kryeministrin serb, Mirko Cvetkoviq.
Ai ka shtuar se Qiproja e mbështet fuqishëm anëtarësimin e Serbisë në
Bashkimin Evropian. “Bazuar në parimin e respektimit të së drejtës
ndërkombëtare, nuk do ta njohim Kosovën”, ka thënë ai.