Cooper: Raundi i ardhshëm në fund të qershorit

I dërguari i Bashkimit Evropian në dialogun mes Kosovës dhe
Serbisë, Robert Cooper ka vendosur që raundi i ardhshëm i bisedimeve të
mbahet në fund të qershorit.Ky raund ishte paraparë të
mbahet në mesin e këtij muaji, por sipas tyre kjo shtyrje ka qëllim që
palëve t’u jepet kohë për marrëveshje të mundshme.
Zëdhënësja e përfaqësueses së lartë të BE-së, Maja Kocijancic ka
thënë se Cooper ka vlerësuar, që palëve u duhet dhënë më shumë kohë për
t’u përgatitur para nënshkrimit të marrëveshjeve të para.
Zyrtarët e BE-së në Bruksel kanë thënë se Cooper ka vendosur që të
ndërrojë datën e raundit të ri dhe se nuk mund të komentojnë mbi
deklaratën e shefes së ekipit kosovar të negociatave, Edita Tahiri, se
pala serbe ka kërkuar shtyrjen. /Rel/Telegrafi/