Limaj shumë shpejt zyrtarisht i akuzuar

Emri i Fatmir Limajt tashmë ka zënë vend në faqen zyrtare të EULEX-it në rubrikën e gjykimeve.“Limaj
dhe të tjerët” quhet seanca e së hënës në të cilën do të shqyrtohet
kërkesa e prokurorit special Maorizio Salustro, për vazhdimin e
paraburgimit të disa ish-bashkëluftëtarëve të deputetit Limaj të dyshuar
për krime lufte kundër popullatës civile dhe krime kundër të burgosurve
bë vitin 1999 në fshatin Kleçkë.
Sipas një burimi të Kohës Ditore tashmë aktakuza është duke u
finalizuar, por Limaj nuk do të marrë pjesë në këtë seancë. Avokati Tomë
Gashi ka thënë se klienti i tij nuk do të jetë i pranishëm për shkak se
ndaj tij nuk është caktuar kurrfarë mase nga gjykata.
Për arsye të imunitetit që gëzon Fatmir Limaj si deputet i Kuvendit
të Kosovës, kërkesa e prokurorit për arrestimin e tij nuk është zbatuar
nga EULEX-i”, ka thënë Gashi. /Telegrafi/