VV: Dëshmorët janë të kombit, jo të pushtetit

Lëvizja Vetëvendosje (VV) në Malishevë ka zëvendësuar foton e
kryetarit të Komunës së Malishevës të vendosur në qendër te qytetit, me
flamurin kombëtar. Fotoja e kryetarit të kësaj komune ishte pjesë e
bilbordëve të vendosur me rastin Ditës së Çlirimit dhe të Dëshmorëve.Sipas një komunikate të Lëvizjes Vetëvendosje, Dega në Malishevë, ky aksion është realizuar sepse:
“Konsiderojmë se është një provokim, që u bëhet qytetarëve të Komunës
së Malishevës në prag të përvjetorit të çlirimit dhe ditës dëshmorëve,
duke u përpjekur që kjo datë e shënuar t’i atribuohet kryetarit të kësaj
komune”.
“Konsiderojmë, se është e padrejtë që me paratë e qytetarëve të bëhen
abuzime te tilla nga kryetari që më së paku ka të drejtë të thirret në
zhvillimin dhe historinë e Malishevës”.
“Foto të tilla i gjejmë vetëm në shoqëritë jodemokratike ku pushteti
mendon se ka të drejtë të bëj gjithçka me hapësirën publike e politike,
pa vullnetin e qytetarëve dhe madje duke e shkelur në mënyrë sistematike
atë”, thuhet ndër të tjera në këtë komunikatë. /Telegrafi/