LDK pa emra për president

Kryetari i Lidhjes Demokratike të Kosovës, Isa Mustafa thotë se
ende nuk ka menduar nëse do të kandidohet për president të Kosovës. Në një intervistë për Express, Mustafa thotë se nuk ka në mend as emra të tjerë që do të garonin të mbështetur nga LDK.
S’e kundërshton kandidaturën e mundshme të Fatmir Sejdiut dhe as të
Veton Surroit. Por, sipas tij, prapa një pretendenti për kreun e
shtetit, duhet të jetë një parti e madhe.
Lidhur me mundësitë që të kandidohet për postin e Presidentit të
Kosovës në vitin e ardhshëm, Mustafa tha “Jo, në asnjë rast nuk e kemi
hapur këtë temë. S’e kemi diskutuar në LDK. Ajo çfarë ne tash jemi të
interesuar është që ta përfundojmë këtë procesin e ndryshimeve
kushtetuese, por krahas procesit të këtyre ndryshimeve, ne pak më vonë
do të fillojmë të mendojmë për kandidatin e LDK-së për president të
vendit...”. /Telegrafi/