BE: Ende të ndarë rreth Kosovës

“Njohja e pavarësisë se Kosovës është një çështje rreth të cilës
ne në Evropë jemi të ndarë, këtë po e pranoj, dhe ne po bisedojmë mes
vete”, ka thënë sot ministri i jashtëm i Hungarisë, Janos Martoni, duke
folur për situatën në Ballkanin Perëndimor dhe procesin e zgjerimit në
komitetin për politikë të jashtme të Parlamentit Evropian.Ai
ka thënë se ai personalisht, në biseda me pesë vendet e BE-së që nuk e
kanë njohur Kosovën, u thotë atyre se është e nevojshme që të njihet
pavarësia e Kosovës.
“Ne kemi argumentet tona, por edhe vendet që nuk e kanë njohur thonë
se i kanë argumentet e tyre. Ne nuk mund të ndërhyjmë nga jashtë, por iu
themi se duhet të lëvizim në rastin e Kosovës” ka thënë Martoni, vendi i
të cilit do të përmbyllë presidencën 6 mujore të BE-së pas disa ditësh,
njofton REL.
Ai ka folur për procesin e zgjerimit të BE-së, si një proces me
rëndësi strategjike, dhe ka thënë se suksesi i jashtëzakonshëm i
Kroacisë, e cila se shpejti do të përmbyllë negociatat e anëtarësimit,
shërben si një sinjal pozitiv për vendet e tjera të rajonit. Ai ka
paralajmëruar se mund të ketë sukses edhe në rastin e Serbisë, Malit të
Zi, dhe ndoshta edhe të Maqedonisë. /Telegrafi/