Pavarësia dhe tërësia territoriale të garantuara

Ndihmëssekretari amerikan i Shtetit, Philip Gordon, ripërsëriti
qëndrimin amerikan se nuk do të ketë ndarje të Kosovës. Ai pas takimit
me kryeministrin e Kosovës, Hashim Thaçi tha se ndarja eventuale do të
shkaktonte probleme për rajonin.Sipas ndihmëssekretarit amerikan pavarësia dhe tërësia territoriale e Kosovës janë të garantuara.
Po ashtu, Gordon, tha se Shtetet e Bashkuara të Amerikës mbështesin bisedimet ndërmjet Kosovës dhe Serbisë.
Ndërkohë, ndihmëssekretari amerikan i Shtetit, tha se SHBA-të i ka
dhënë përkrahje krijimit të Task-Forcës që do të hetojë pretendimet e
ngritura lidhur me trafikimin e organeve.
Edhe kryeministri Thaçi theksoi se Qeveria e Kosovës mbështetë
hetimet. Ai tha se Kosova ka treguar shembull të mirë të bashkëpunimit
ndërkombëtar sa u përket këtyre çështjeve. /
Gordon dhe Thaçi nënshkruan një Mmemorandum mirëkuptimi ku SHBA-të do
të ndihmojnë Kosovën me 9.7 milionë dollarë në fushën e
arsimit.Telegrafi/