Testi i maturës “alarm i kuq për nivelin e arsimit”

Këshilli për Mbrojtjen e të Drejtave e të Lirive të Njeriut në
Prishtinë ka shprehur të enjten shqetësimin lidhur me rezultatet e
arritura në testin e maturës shtetërore, me ç’rast vetëm 41.96% e
maturantëve e kanë kaluar.

Kjo për Këshillin... është shumë brengosëse sepse tregon se sistemi i edukimit është në krizë të thellë.
“Ky rezultat është dhe duhet të jetë sinjal për institucionet që
menaxhojnë me arsimin në Kosovë. Ky rezultat bëhet edhe më shqetësues
kur kemi parasysh rezultatin e kalueshmërisë për shkollat profesionale
dhe i cili është vetëm 25.2%”, thuhet në reagim.
KMDLNj është i mendimit se duhet filluar sa më parë një reformim i thellë i sistemin të arsimit.
KMDLNj u bënë thirrje përgjegjësve të arsimit që muajt e pushimeve
t’i shfrytëzojnë për të reflektuar në këtë fenomen. Arsimimi nuk duhet
të jetë vetëm prioritet sepse tash cilësia i edukimit është alarmues dhe
është urgjencë që kërkon një ndërhyrje. /Telegrafi/