Pasurinë nuk e kanë deklaruar 84 zyrtarë të lartë

Agjencia Kundër Korrupsionit ka bërë publike listën e deklarimit
të pasurisë të zyrtarëve të lartë. Zyrtarë të AKK-së theksuan se më
shumë se 95 % e këtyre zyrtarëve kanë deklaruar pasurinë e tyre brenda
afatit kohor, ndërsa pjesa tjetër nuk e kanë bërë një gjë të tillë. Sipas
drejtorit të AKK-së, Hasan Preteni janë 84 zyrtarë të lartë të cilët
nuk e kanë deklaruar pasurinë, ndërkohë 26 të tjerë nuk e kanë deklaruar
në bazë të ligjit.
Deklarimin e pasurisë u tha se e ka bërë edhe zëvendëskryeministri Behgjet Pacolli, i cili deri tani ka refuzuar ta deklarojë.
Preteni gjatë një konferencë për shtyp tha se zyrtarët që nuk e kanë
deklaruar pasurinë do të kenë një afat ligjor shtesë për ta deklaruar,
ndryshe AKK do të iniciojë procedurë kundërvajtje.
Ndërkohë, po sipas zyrtarëve as ata të cilët e kanë deklaruar
pasurinë nuk do të jenë komod, për faktin se AKK do të fillojë fazën e
dytë, në të cilën do të bëhet verifikimi i prejardhjes së pasurisë.
/Telegrafi/